【臉盲症發作】2020韓國先生選美大賽 33位「歐巴」參賽者集體撞樣
查看相片
一年一度嘅盛事《2020香港小姐競選》進行得如火如荼，將於8月30日隆重舉行。另一邊廂，韓國都有選美比賽正在進行中，不過佢哋選嘅係韓國國際先生。
2020韓國國際先生大賽（Mister International Korea Pageant）將於8月31日進行決賽，本年度一共有33位靚仔「歐巴」入圍，而主辦單位喺早前將參賽者嘅造型照上載到社交網站。
33位參賽者都以牛仔裝造型亮相，位位穿上性感白色三角底褲，將佢哋嘅胸肌、8舊腹肌、人魚線，甚至下體表露無遺，真係睇到一眾姐妹們流晒鼻血。參賽者們年齡介乎24至30歲，來自各行各業，例如有健身教練、消防員、模特兒、運動員及工程師等等，。不過無論做邊行都冇影響佢哋嘅身材，個個都擁有fit爆嘅身形。
不過呢個選美大賽同其他韓國選美大賽都遇到同一問題，就係參賽者「撞樣」情況嚴重，雖然佢哋可能風格上有分別，但無論五官定係身材都好似倒模出嚟咁, 難怪唔少網民都話好亂，因為佢哋個個樣同腹肌胸都一樣，更有網民問係咪同一間整容醫院整出嚟。
Photo credit by Mister International Korea Pageant
查看相片
查看相片
查看相片
查看相片
