每年台慶都是花旦爭妍鬥麗戰場，今年最搶眼非36E陳偉琪（Vicky）莫屬。Vicky去年涉醉駕兼在夜店與外籍男友人飲酒而遭無綫雪藏大半年，昨晚終獲「解封」在台慶表演彈豎琴，她以白色低胸晚裝上陣，非常吸睛。問到是否真的解封？她保守地說：「等公司安排。（幾時做番《愛．回家之開心速遞》？）唔知。」有指她曾寄履歷到公關公司求職，她說：「唔係（應徵）PR，係想諗辦法增加其他收入來源。之前有啲積蓄，但依家差唔多使晒。（想唔想返《愛》劇？）想呀，好掛住細龍生。」有記者提議她趁台慶找高層求情，她即笑言：「係咪要咁做呢？今晚做好個騷先啦！」

至於身材向來有睇頭的張秀文及趙希洛毫不吝嗇，前者身穿低胸大露背晚裝，後者則以金色透視流蘇裙迎戰，透現打底的黑色bra及疑似「阿婆」內褲，性感有餘但美感不足，黃智雯穿黑色吊帶低胸裝，而鄧佩儀則晒美腿，同屬「微波型」的簡淑兒與鄧卓殷也落力谷胸，至於陳詩欣中門大開谷出湯碗胸，她笑說：「有做足安全措施又挺直條腰，唔會走光。（有冇嚇親男友？）冇！佢都睇過。」