【星島日報報道】呢輪，政府真的頭痕，因有兩個要立法會審議的方案，搞到一鑊泡，唔知點收科。第一當然是嚇到商界彈起，齊聲拼命反對的《逃犯條例》修訂。因擔心早年曾誤踩地雷，分分鐘一個唔覺意變「逃犯」咪死人？做生意，經常要遊走灰色地帶，香港法例大家清楚，但內地的，法例隨時會因人而異，都咪話唔腳軟也，所以，自由黨及經民聯，當然要「誓死反對」！

另一令政府頭都大，又肯定瓜直的方案，正是「三隧分流」方案。原本一月底上立法會，結果明知死硬而撤回。不過，突然間又決定本周再硬闖立法會，有人問小弟：「阿碌點睇？點解輸硬都去馬？」你問我，我問邊個？用常理判斷啦。首先，呢類民生 ，與《逃犯條例》不同，中央根本不會有意見，所以，考慮簡單得多。

政府搞到一鑊泡，陳帆局長首應問責，因完全冇向立法會及司機車主團體摸底，就一廂情願同西隧靜雞雞傾數，罔顧大家對西隧長年「貪得無厭，胡亂加價」的反感情緒。好了，大家忍忍忍，終等到西隧專營權就快夠鐘，政府竟突然明益西隧，提出加其他兩條隧道價去津貼西隧，等佢賺多 。

陳帆呀陳帆，你可知乜叫群眾情緒 ？

民選議員受過直選洗禮，一把脈，已知呢個方案乞盡人憎，冇可能通過，當然飛身率先表態，包括一眾建制派民選議員，既然冇政治性又冇阿爺指示，一於跟民意行事啦。

政府本周三再 ，點 到半數在席議員通過呀？工聯會表明反對，民建聯多數棄權，即已廢 武功。

我的分析，政府輸硬仍去馬，只在做場卸膊戲矣。第一，話畀西隧管理層知， ，並非我反口呀，盡晒力 喇，最衰班議員「玩政治」咋。另外，若西隧老羞成怒，用盡條例內賦予權利，將隧道費加到二百幾時，政府又可跳出來，大大聲：「本來大家支持法案，五十元就可過西隧，係你 唔接受咋，唔關政府事 ！」

曾智華