《全民造星3》Manson被指為做偶像與拍拖半年ViuTV長腿編劇分手
《全民造星3》Manson被指為做偶像與拍拖半年ViuTV長腿編劇分手
ViuTV大型選秀節目《全民造星III》日前圓滿結束,除咗冠亞季軍之外,其他參賽者依然備受關注,包括張進翹(Manson)。雖然Manson無緣晉級十強,不過成功獲得大眾關注,人氣急升。不過人紅自然是非多,早前Manson被翻舊帳爆出10年前於公廁玩「4P」,隨後佢亦承認係片中人,但否認玩4P,都怪自己口沒遮攔。近日佢又被爆出為咗做偶像,竟與拍拖半年嘅女友分手。
報道指Manson與ViuTV劇集《娛樂風雲》嘅長腿編劇李欣如(Liyu)拍拖逾半年,但佢為咗可以做偶像,加上喺參加《全民造星III》期間擁有高人氣,所以借故飛起Liyu,結束半年戀情。雖然Manson IG搵唔到佢同Liyu拍拖嘅相片,不過女方嘅IG就有一張佢哋嘅合照及一張7月Manson幫佢渣機影嘅生日獨照,更標籤及以「小子」去稱呼對方,證明男方有陪伴自己。可惜嘅係《全民造星III》開播冇耐,女方就喺IG發文暗示無聲無息被飛,寫上:「結束並不傷心,傷心是還未做好告別的準備,沒有好好地告別,就這樣算罷,不重要了,沒關係,去吧。」之後又留言寫上:「不得不開始接受,人生很多時候,都是無能為力的。你是,就是;不是的,再努力也沒用;機會,就是留給有機會的人。」
按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!