【太陽報專訊】【本報訊】東區海底隧道目前每天車水馬龍，以私家車的流量最高，其次是的士。將來一旦封閉，對市民及業界定必造成巨大影響。單計去年十一月，來往東隧的私家車總數便有近一百三十萬架次，的士也有逾四十七萬架次。專家預料若東隧封閉，不但紅隧交通會出現嚴重擠塞，「分分鐘要塞多兩至三個鐘」，連分流的道路也有機會塞爆。的士業界更揚言「到時咪可以有藉口唔過海囉！」
「九龍塘旺角都落唔到」
汽車會副會長李耀培指，現時東隧是港島東及九龍東的主要交通幹道，日後一旦封閉，相信駕駛者大多會改選紅隧，「繁忙時間基本上一定會癱瘓，依家要塞四十五分鐘嘅話，將來分分鐘要用多兩至三倍時間嚟過海，即係塞多兩至三個鐘。」他以「一加一唔等於二」作比喻續指，除了主幹道外，其他連接的分流路屆時也會塞爆，「有啲由新界出市區但唔過海嘅車，依家淨係會喺隧道塞（車），但日後呢啲車可能會喺分流路塞到連九龍塘同旺角都落唔到！」
汽車交通運輸業總工會的士司機分會主任杜燊棠批評當局說法不負責任：「封東隧影響好大，所有人（車）咪唔行東隧，逼晒去紅隧囉，到時（紅隧）一定大塞車，要改行西隧，又間接幫咗啲大財團」。他反指要解決隧道塞車，未來可考慮免除或統一所有隧道費，「咁先係最治本嘅方法」，更笑言若政府屆時真的封閉東隧，「到時咪可以有藉口唔過海囉！」
