吳若希新相被批塊面腫又膠 本尊留言解畫：食腫左！

現年31歲嘅吳若希（Jinny）憑劇集《使徒行者》主題曲《越難越愛》人氣爆升，去到2016年尾因懷孕而全面停工，2017年與澳門富二代男友何兆鴻（Alex）結婚，先後誕下一子一女，現時一家四口過住美滿嘅生活。日前吳若希就帶一對仔女前往廣州玩，之後仲將相片上載到社交網站同網民分享，不過一班網民就將焦點放喺佢塊面度，質疑佢點解唔同咗樣，結果引來本尊親自留言回應。

日前吳若希帶一對仔女快閃廣州，之後仲上載照片到社交網站，並留言話：「開估～帶左對仔女快閃廣州融創！但對於我嚟講，最精彩唔係玩～係食！」，不過一班網民就將焦點放喺佢塊面度，紛紛留言質疑佢塊面點解咁膠及腫，例如「點解塊面咁膠嘅」、「做咩腫腫地嘅塊面。。。」、「好似有d腫:⁠-⁠)」、「大面Jin」、「個樣咁膠」、「嘩…差點唔認得，感覺好似整咗容！成個樣變哂，以前靚好多」 － 「睇返今日嘅相可能會好啲」、「點解唔同咗」、「塊面打咗咩？成個麵包超人咁....」、「有種 #詭異 feel」、「咩事咁腫」、「嘩好恐怖啊 完全唔同咗樣變咗另一個人咁喎 過關出境嘅時候會唔會遇到好大問題㗎」、「完全唔同咗樣喎咩料？」、「做乜搞成咁呀？唉」、「點解塊面咁膠嘅」及「做咩腫腫地嘅塊面。。。」等等，結果引起引來本尊親自留言回應：「 唔係好似～ 係真係！ 食腫左！」及「唔使唉～女人仲有幾日會腫d既～～過幾日食返d清淡嘢就自然會好ga～放心」及「Sorry lor～」等等。