【晴報專訊】阿B鍾鎮濤和范姜剛於峇里舉行婚禮,不少圈中好友飛往當地祝賀,豈料有報道指賓客的機票和住宿一概唔包,他們需留信用卡資料予酒店碌卡找數,每人單是住宿費已要「貼」兩萬元。有份出席的阿倫就回應,最緊要高興。
譚詠麟(阿倫)前晚從峇里返港,昨天隨即出席港台舉行的《創部全面睇》短片嘉許禮擔任推廣大使。提到阿B的婚禮傳出負面消息,問阿倫是否自付機票住宿費用出席?他沒否認,卻笑笑口謂:「有乜所謂!有份參與已經好開心,阿B啱啱翻身,加上仔細老婆嫩,做朋友唔好計較咁多,總之share氣氛啦。(怕新郎哥唔高興嗎?)唔怕,開心係自己嘅,佢係護罩嚟㗎嘛。」稍後阿B會度蜜月,正當大家猜想阿B會否再造人,阿倫即抵死表示:「咁就送穿窿袋畀佢啦,有助造人呀。」
在阿B婚宴上,有指蕭亞軒帶了新男友出席,阿倫坦言她有介紹,但當時不知道那人是她男友。談到今次和關之琳擔任證婚人,阿倫笑謂:「本來用國語宣讀誓詞,但之之未讀已經爆喊,終於用廣東話讀。」
嘉玲否認避曼玉
此外,張曼玉(Maggie)、曾志偉、杜德偉等昨天離開峇里回港,Maggie表示此行十分開心,也有被婚禮的溫馨感人場面感動到喊。
而劉嘉玲昨晚出席《Moiselle秋冬時裝展》,被問到她和梁朝偉缺席阿B婚禮一事,有指是避免跟張曼玉同場,嘉玲聞言後反問:「點解要避?(你同Maggie係情敵嘛。)你哋講啫,根本唔需要避。其實我在上海有工作,偉仔亦有事,我哋同阿B約定稍後補請佢哋食飯。」
採訪:Pauline
攝影:Lego、林良明
編輯:黃寶恩
設計:鄧俊明