謝安琪內地騷叫停爆喊
【太陽報專訊】出道十年的女神謝安琪將於4月登上紅館舞台，但原本安排好的逾十場內地巡唱暫停，她直言感到可惜和內疚：「我都有喊過，係個打擊!」另外，她表示結束個唱後會停工一年，因想多花時間陪伴父母。文：音樂組 攝：黎志輝
謝安琪（Kay）昨日現身酒店，為4月15至16日舉行的《拾回 謝安琪 數愛世界巡迴演唱會香港站》紅館演唱會舉行記者會，比之前消瘦的她以一襲通花短裙登場，大騷香肩及長腿，非常吸睛！當司儀在台上提到方大同為Kay作曲時，方大同突然驚喜現身，兩人更即場來個擁抱。
十周年意義大
Kay受訪問時表示，出道十周年演唱會很有意義，問到屆時老公張繼聰可會上台，她說：「佢到時仲拍緊劇，好難攞假。（畀驚喜你？）佢嚟睇已經好開心。」更透露兒子亦會來看，但沒有預他上台。談到原本計劃在內地舉行超過十場巡唱，但現時卻全部暫停，Kay對此感可惜和內疚，坦言是個打擊，並曾為此哭過，因這次是她辦過最大型的巡唱。問到是否損失慘重，她說：「都係其次，反而十周年紀念冇得見歌迷。」
讚張繼聰好型
另外，Kay演唱會後會休息一年陪伴家人，因父母近年記憶力開始差，想趁他們還壯健時陪他們旅行。問到可會計劃造人？她笑說：「可以呢一年發生，我呢年都係奉獻畀屋企人，但如果咁幸運生到小朋友就好圓滿。（到時靠老公做搖錢樹？）佢依家有本錢啦，依家約佢都要度期。」提到張繼聰入圍金像獎「最佳男配角」，Kay表示他預了陪跑，因好友白只都有入圍：「佢覺得白只實至名歸。（戥佢開心？）梗係，我話佢『有得提名，的確係好型』!」
