計日子造人梁麗翹搞半年得咗！

32歲《東張西望》主持梁麗翹（Nicole）本年2月與圈外男友結婚後火速造人，昨日宣布懷孕四個月，可喜可賀！她直言早已計劃明年生BB，問有何造人秘訣？她笑言有計日子，但沒有特別食療及注意「姿勢」：「咁可能我同老公都做開運動，老公體能好。」又表示懷孕後身體經常不適，作嘔又易攰，幸得體貼老公照顧：「佢買書學點照顧大肚婆，仲睇到點教六歲小朋友嘅書，好緊張！（Feel到BB郁未？）我日日摸住個肚，有日以為Feel到佢心跳，但原來係自己脈搏。」

Nicole表示上月生日時向母親及友人公布喜訊，大家都戥她高興：「當時我未知BB係仔定女，老公就知道，仲安排我切完蛋糕就用顏色宣布，好有心思！」問到BB是仔定女，她表示遲些才揭曉。