影帝郭富城舉杯暢飲慶祝電影煞科，雖然拍攝過程經歷連番波折，幸而劇組上下一心解決難題。至於為了演出而留了幾個月鬍鬚的劉青雲，高呼終於可以剃鬚回春！

三大影帝古天樂、郭富城及劉青雲日前為主演電影《掃毒3天大地大》順利煞科舉行慶祝儀式，同場有羅嘉良、陳國邦、洪天明、謝君豪及劉浩龍等，城城高舉香檳，表示很開心參與拍攝：「今次面對好多考驗，但係成個劇組非常齊心，同導演一齊遇難解難咁堅持拍攝，雖然辛苦，但拍得好開心！」

搭建「泰國村」增投入感

城城首次與導演邱禮濤合作，非常欣賞對方的冷靜和調度能力，並指與片中演員相處了4個月，已建立很好的默契，希望日後有機會再合作。他更大讚劇組在港搭建出近5萬坪的「泰國村」，令人驚嘆：「連金三角嘅樹都種埋出嚟，真係令我好似置身金三角咁，令演員融入環境，感覺好真實，好易投入！」

飯局培養感情

青雲當日特別準備多支香檳與劇組分享，換上便服的他坦言可以好好休息，會剃掉為角色留了數月的鬍鬚：「返去可以剃鬚啦！呢部戲經歷咗咁多嘢，想要拍嘅地方又拍唔到，但反而令大家經常見面食飯，好處係大家變得熟落同團結，相信呢種味道會喺電影中滲透出嚟。」而謝君豪及劉浩龍等笑言已準備好再參演後作。