父自責：唔識做人老竇
【太陽報專訊】【本報記者】可憐天下父母心！雖然兒子生活消極，但張父仍感覺他是孝子，對兒子走到這一步，他感到內疚及自責，張父說：「我覺得自己好唔識做人老竇，係一個失敗嘅父親，同個仔溝通唔到，搞到個仔咁樣，好希望個仔可以快啲醒番，個腦無事。」平日不知如何和兒子溝通，張父如今只能對着遺書向兒子剖白：「連死都有勇氣，點解無勇氣去面對現實同工作？」
連死都有勇氣，點解無勇氣面對現實？
多年來，兩父子之間都是一句起兩句止。張父稱，醫生指其子呼吸已回復正常，但其腦部已受損，即使日後甦醒亦可能影響智力。他向愛兒剖白心聲：「阿仔，唔好咁傻！有咩事都可以話畀老竇知，連死都有勇氣，點解無勇氣去面對現實同工作？你又無咩負擔，好話唔好聽，你係我個仔，我養你過世都無問題啦！我唔食都會畀你食，做咩諗埋一邊？唉！人生就係要求生，又點會求死呢？」張父表示擔心兒子日後康復之路，由於他每月收入只有八千元左右，家境不算富裕，對日後既要照顧兒子又要返工感到憂慮。張父又稱，之所以沒有強迫兒子返工，是怕逼死兒子，因為看新聞都見到有青少年不堪壓力尋死，故恐防兒子無法承受壓力。
香港大學精神醫學系心理學博士李美瑩表示，如發現家人性格上突然出現轉變，如持續多個星期感心情低落、拒絕交際、不肯返工或返學等，這或是情緒病及抑鬱症的先兆，家人應密切留意其狀況，如情況持續兩星期至最多一個月，便應向專業人士如醫生及社工等求助。
