超強颱風「山竹」前日吹襲香港,全港各區都受到嚴重破壞,港九新界都有出現冧樹及爆窗情況,唔少高樓大厦仲俾強風吹郁。唔少藝人都有喺社交網站分享颱風期間嘅情況,當中有一位藝人就被網民發現佢亂抽水,呢位就係楊思琦。
楊思琦前日喺微博上載影片並留言話10號風球。佢屋企附近風力強勁,整幢大廈嘅玻璃窗都爆咗!不過呢個PO出街後,唔少網民都發現呢條係澳門寰宇天下上年被「天鴿」吹襲而爆玻璃嘅片段,但係楊思琦竟然話係佢屋企嘅對面樓,唔少網民都話佢「抽水」、「唔好混淆視聽」。因為除咗寰宇天下係喺香港之外,佢嘅定位仲係喺荊州,根本唔喺香港。可能楊思琦發現擺咗烏龍,所以佢最後刪帖,平息事件!