熱度286票 瀏覽0次
時間：2018年12月12日 09:31
近期熱播緊嘅《大帥哥》搵嚟闊別無綫二十多年嘅張衛健做男主角，第一集張衞健已經大爆金句，引嚟唔少網民討論同追睇！不過有網民發現，原來《大帥哥》同卡通片《Keroro軍曹》有關係？
撰文：娛聞樂｜圖片：劇照 ｜編輯：東方新地
延伸閱讀：
《義不容情》第5-9集劇情 | 周海媚登場暗戀溫兆倫、有康有健兄弟多次爆爭執
點止34G麥紫莉收飯局短訊！兩位女星自爆有人開高價邀去飯局…
《大帥哥》疑有抄襲成份
眼利嘅巴打就發現原來《大帥哥》係Keroro軍曹真人版！雖然兩套係完全唔同嘅劇，但巴打就發現兩者之間都有好多相同的地方！
巴打指出無論係人物名字、角色性格、背景都好相似！兩套劇都為以軍人作角色背景，張衞健同軍曹都有4個部下，而佢哋嘅名同性格都同Keroro軍曹一樣！一對比，就發現佢哋個名嘅發音又真係好相近！
唔單止名似，就連性格都一樣樣！由洪永城飾演嘅馬炭好聽大哥狄奇嘅指令，亦都好依賴佢，簡直係同TAMAMA一樣！而李嘉飾演嘅冬來就好似DORORO，有自己嘅世界，有時會消失唔知去咗邊！
個Post一出，就有好多網民留言，唔少巴打都贊同樓主嘅講法！
樓主嘅想像存簡直係世界級！巴打都話：一言驚醒洛克人！
巧合同相似程度高到，你話無參考都唔信啊！
《大帥哥》變倉底貨死因？ 張衞健蝕住回巢淪為炮灰
96年拍完無綫劇《西遊記》爆紅的張衞健，離巢返內地狂賺人 仔，直至上年，曾勵珍親自三顧草廬，成功打動張衞健不計酬勞回歸幫娘家再拍劇。據知情者透露：「珍姐當時搵Dicky，講明想佢幫無綫50周年台慶造勢，不過上年套劇拍完已經九月， 仲要做好多後期製作趕唔切，最後做唔成無綫50周年台慶劇，拍好咗成年都未播。」
張衞健擔演的《大帥哥》，原本是無綫50周年台慶劇，不過上年九月煞科還要做大量後期，最終趕唔切上年推出，不過無綫在節目巡禮上亦重點宣傳，講明是今年台慶重頭劇之一，可惜最終被抽起！
請到夠份量又好戲的張衞健回巢，上年二月無綫就出動兩大高層曾勵珍及樂易玲陪實 Dicky開記者會，除咗行紅地氈亦有即場簽約儀式，排場十足。
被照肺多次
去到最後，無綫今年三大台慶劇分別為《跳躍生命線》、《是咁的， 法官閣下》及《兄弟》，《大帥哥》慘被飛出局。據知無綫突然變陣，全因不滿劇中女一、近期黐親佢都冇好嘢的姣精蔡思貝，認為她形象差人氣大跌，怕她拖累收視。
雖然等咗咁耐，不過《大帥哥》於終於出街，到時可以欣賞到張衛健久違的演出！
不過有唔少網民指洪永城、蔡思貝呢個冇觀眾緣的組合，簡直係拖累了張衛健！
盤點張衞健歷年經典劇集
1｜西遊記（1996）
1996年11月，張衛健演出劇集《西遊記》於無綫播出，他飾演主角「孫悟空」入型入格，有着生鬼的演繹，加上金句如「我係花果山水濂洞美猴王齊天大聖孫悟空。」﹑「Yo！打妖精！使乜驚啊！」等都琅琅上口，絕對是大眾回憶。呢套劇絕對係張衛健事業上的高峰，被無綫重播五次之多！
查看相片
