文化差異？內地漢中環賣藝被趕 塞煙仔求放生
香港街頭行乞風氣盛，東網亦多次報道來自內地的丐幫分散香港各區「搵食」。近日，專門狙擊中環乞丐的乞丐獵人阿Man再次出動，豈料在驅趕一名賣藝者期間，對方竟然掏出一根香煙遞向他，希望他網開一面！
由阿Man上傳至社交網站的片段可見，一名中年男子坐於中環天橋的一條樓梯上，正拉着二胡賣藝行乞，阿Man欲作驅趕：「走呀，香港唔畀行乞㗎！」並稱要報警處理。
豈料，該名操普通話的男子，突然從褲袋拿出一包內地品牌香煙，並向拍片者遞上一根以作「求情」。阿Man隨即拒絕：「你係咪想行賄？大佬！」該乞丐見「求情」不果，遂執拾行裝準備離開。
對於該乞丐拿香煙圖收買的行為，有網民揶揄謂：「大陸咩」！不少網民稱讚阿Man：「年輕人，做得非常好」、「每次見到可以的話都要趕」、「香港權益有香港人維護」。不過亦有網民認為他多事，並非正義所為。
