楊全盛「睇唔過眼」入熱廚房
【星島日報報道】經營軟件公司，有三百員工跟住搵食的楊全盛，今年三十九歲，事業當打之年，忽然走入政壇，只因「睇唔過眼！」他批評爭取連任的資訊科技界議員莫乃光，過去四年「將政治凌駕專業」。
「好似業界一直爭取成立創科局，莫乃光口講贊成，但當拉布令成立創科局的議案一拖再拖，立法會要傾是否加會討論時，佢竟然投反對票。佢拎住業界票入議會，竟然咁無腰骨！」因為失望，促使楊全盛走入「熱廚房」。
他直言拉布拖慢本港發展，其中創新科技業的競爭力不斷倒退，已淪為「龜兔賽跑」中驕傲的兔子，「十九年前香港係第一個城市用『八達通』支付，十九年後，香港嘅移動支援系統無進步過，你睇深圳，一四年已經唔使用『咪表』，『入表』可以用手機等移動系統支付，反觀今日的香港，仍然要食食吓飯走去『入表』。」
這位不平則鳴的IT達人，大哥是電腦工程師楊子來，「他大我十九歲，我幼稚園的玩具就是他的電腦，我小一開始寫程式。」升上中學後，學校沒教電腦科，他自修及報考電腦科，會考輕易拎個A，同學都封為「機王」，砌機叫他幫手，連學校的電腦中毒，都由他「急救」。
有次，楊全盛瞞著母親參加「全港街霸遊機比賽」，勇奪第四名，獎金還不及他兼職寫電腦程式好搵，「中學已經月賺兩、三萬元。」
中文大學計算機科學及工程學系畢業後，他與大哥開設軟件公司，最初只有四、五名員工，他連「行街」經紀都做埋。
為推銷公司一套庫存軟件，去深水埗布行逐家逐戶拍門問，試過被師奶以掃把怒打，「我厚面皮是這樣煉回來的」，因為夠博，公司很快壯大至數十名員工。
惜○一年「科網潮」爆破，客人狂「走數」，公司一度陷入財困，「我同大哥各欠落數以百萬計的債，要碌卡出糧畀同事。」捱了六個月，公司被逼執笠。
幸而另一拍檔賞識楊全盛，兩人另組新公司，幾年間還清債，「失敗過都好嘅，明白做科技係會失敗的，不過我唔會被失敗打倒。」該公司現時已成為全港最大的軟件公司之一，算是捱出頭來。
在商界「打不死」的他，決意染指政界，適逢今屆選情空前激烈，IT界的選民由上屆約六千七百人，今屆增近八成至逾一萬二千人，新選民湧現令選戰再添變數，選舉結果連精密的超級電腦亦無法預測到，但他相信「睇唔過眼」的業界會發揮選民力量，改變議會生態。
資訊科技界候選人只有楊全盛莫乃光兩人。
