萬千星輝頒獎典禮2023 完整結果︳佘詩曼奪三地視后 三度封后破紀錄 《新聞女王》狂掃8獎
TVB嘅《萬千星輝頒獎典禮2023》今晚移師澳門舉行，YAHOO娛樂圈為你即時更新各大獎花落誰家，文字紀錄現場情況，緊貼頒獎台！今年頒獎禮取消咗「最受歡迎電視角色」獎項，但就加入由馬來西亞及內地大灣區觀眾投選嘅獎項，以及專門畀25歲以下藝人角逐嘅「最具潛質新人」獎。
萬千星輝頒獎典禮2023 最新結果
最佳劇集 － 《新聞女王》
最佳女主角 －佘詩曼《新聞女王》
最佳男主角 － 陳豪《破毒強人》
最具潛質新人獎 － 鍾柔美 游嘉欣 冼靖峰 古佩玲 炎明熹
萬千光輝榮譽大獎 － 袁志偉
最佳女主持 －麥美恩
「麥美恩可以企喺度，唔係因為一個人嘅能力，係因為後邊好多人令呢件事發生。亦都有人話TVB係一個木人巷，亦都係一個夢工場，因為發夢都諗唔到一個竹升妹用12年時間，成為一個大show司儀，仲要係用全中文。公司好大膽，有勇氣比呢個竹升妹拍古裝劇。」「呢個獎可能係表揚我過去一年嘅努力，但係對於我嚟講係一個接棒嘅儀式，因為呢一年嘅責任同壓力係大咗嘅。曾生，我希望用最短嘅時間，將呢個獎可以交棒比新一代嘅金牌女司儀，希望大家幫幫手。」
最佳男主持 － 周奕瑋
「我入行第一次去康城，著咗套黑色踢死兔，觀眾話『做咩搵企鵝去採訪紅地氈？』。咁多年，好多人懷疑過我，點解搵一個無身型無外型嘅人。好想同之前懷疑過我嘅人講一句，唔好俾人哋對你嘅想像﹐限制對自己嘅想像，我會繼續想像，繼續成長、多謝各位。」
最佳電視歌曲 － 炎明熹Crystal Clear《新聞女王》
專業精神獎 － 《東張西望》團隊
大灣區最喜愛TVB女主角－佘詩曼《新聞女王》
大灣區最喜愛TVB男主角－黃宗澤《廉政狙擊》
大灣區最喜愛TVB劇集 － 《新聞女王》
大灣區最喜愛TVB綜藝及資訊節目 －《獎門人感謝祭系列》
最佳綜藝節目－《中年好聲音》
最佳資訊及專題節目－《無窮之路III 無垠之疆》
馬來西亞最喜愛TVB女主角 － 佘詩曼《新聞女王》
馬來西亞最喜愛TVB男主角 － 馬國明《新聞女王》
新婚嘅馬明多謝太太，「我希望佢開心，因為佢開心就旺夫㗎啦」。馬明提到今年取消嘅最受歡迎電視男角色獎時，自嘲「其實我都有個紀錄都冇人破到，因為我係四屆最受歡迎電視男角色—馬國明！」。
馬來西亞最喜愛TVB劇集 －隱形戰隊
馬來西亞最喜愛綜藝節目 － 隨懿深度行
飛躍進步女藝員 － 劉穎鏇
飛躍進步男藝員 － 馬貫東
入行18年後首次得獎，馬貫東話「入行嘅時候，我已經知道自己演員呢條路唔會一帆風順，唔會行得好容易，因為我訓練班出嚟嘅時候，珍姐同我傾過偈，講咗好多不足之處，好多缺點要我改，要我不斷學習，學完之後就會有一個機會……呢條路唔容易行，但係我識珍惜每一個機會，唔會浪費任何一個機會」。
最佳男配角 －林子善《隱形戰隊》
子善一上台就跪謝父母，「冇父母帶我嚟呢個世界就冇林子善」。子善多謝好多人，即使超時都唔理，包括感謝投佢一票嘅高層、帶佢入影圈嘅周星馳、李力持同田啟文，仲有帶佢入TVB嘅黃子華。最後子善希望客戶去TVB落廣告，「記住喺TVB落廣告，因為你養住好多人」。
最佳女配角 － 高海寧《新聞女王》
高Ling致謝詞時感謝監製鍾澍佳嘅鼓勵，「佢話你企喺度就係Candy架喇」，又讚揚同劇嘅佘詩曼係好好嘅前輩同榜樣，而阿佘都有為高Ling得獎落淚。最後高海寧表示要將獎項送俾天上面嘅公公同爺爺。
最佳衣著男藝人 － 馬國明
馬明得獎後又再展示天然呆！
頒獎禮前焦點梗係藝人行紅地毯盛況，當中炎明熹以白裇衫小露bra top造型最吸睛！
萬千星輝頒獎典禮2023部份獎項十強提名名單
最佳劇集
《隱形戰隊》
《法言人》
《靈戲逼人》
《破毒強人》
《寵愛Pet Pet》
《你好，我的大夫》
《羅密歐與祝英台》
《疊影狙擊》
《新聞女王》
最佳男主角10強名單 （與大灣區TVB最喜愛男主角相同）
單立文 《愛·回家之開心速遞》
陳山聰 《隱形戰隊》
張振朗 《靈戲逼人》
陳 豪 《破毒強人》
蕭正楠 《破毒強人》
周嘉洛 《寵愛Pet Pet》
何廣沛 《你好，我的大夫》
陳展鵬 《香港人在北京》
黃宗澤 《疊影狙擊》
馬國明 《新聞女王》
最佳女主角10強名單
最新報道
- 02-08穿比基尼泡湯！啦啦隊Jessy吐
- 02-08大跳碧昂絲神曲！李多慧IG震出
- 02-08美斯抵日笑面迎人 日本第一
- 02-08黃建東內地拍劇左耳突發性失
- 02-08【娛事者】「序有應得」法預
- 02-02【阿爾巴尼亞桌球賽】吳安儀
- 02-0155歲狀態曝光！資深女星暴瘦5
- 02-01推薦哪個星座的女友 李沛旭
- 02-014年前開唱遭毀約！黃明志還被
- 01-30黃聖依夫妻直播帶貨只賣出1