黃翊首開騷暴瘦近20磅

【星島日報報道】黃翊昨日為下周二舉行的演唱會綵排，與四名女舞蹈員排練貼身舞，他坦言有少少尷尬，因為本身性格怕羞，但上台表演就不會驚。

問到會否擔心太太陳存正呷醋？黃翊說：「太太早前身體唔好入 醫院，原定她會同阿仔一齊 捧場，但現在要專心休養，未必出到院，只好由阿仔做代表，希望太太快 好番。（會否因此分心？）多少一定有，好多朋友也問我點解瘦 咁多，一來要操肌，因為歌衫有少少性感，操了4、5個月亦算有少少成果；其次話無壓力就假的，因此更瘦了十多磅，體重由原本的140磅瘦到現在120多磅。（太太病情是否穩定？）坦白講，情況唔係咁好。（當晚可以直播畀太太睇。）我諗佢睇唔到住，要由阿仔轉述畀佢知。」

雖然當年曾是跳舞歌手，但黃翊坦言今次開騷跳舞對他而言有一定難度，事關以現在的年紀難免記性差，感激排舞老師有耐性地教導。不過，他表示心情真的不緊張，當晚除了是自己首個售票演唱會，亦是事隔多年再度推出唱片，感覺像再做爸爸生了雙胞胎似的。文：林子棠 圖：張家宜

■黃翊準備開騷之餘，還要照顧病妻，難怪消瘦。

■黃翊將在演唱會上表演辣身舞。

娛樂