伍富橋老婆收爆料訊息稱有男方出軌證據 Shirley「兩字」回覆
伍富橋（Alvin）與太太梁兆楹（Shirley）結婚至今已經兩年，二人不時周遊列國，近日仲先到新加坡再飛馬爾代夫，一直好驚潛水嘅伍富橋亦為老婆打破心理障礙一齊潛水，Shirley大讚伍富橋無驚到去咗淺水區，仲幫到佢影相。不過，呢趟旅行期就有人向Shirley報料，指擁有伍富橋出軌證據。
據悉，Shirley父親從事物流業及食品等生意，擁有兩間麻將館，身家以億計算，伍富橋與Shirley結婚後居住於西貢相思灣5千呎豪宅，因而被標籤為「億萬駙馬」。二人恩愛又幸福，6月份伍富橋生日時，由於佢熱愛籃球，Shirley準備咗個籃球造型蛋糕之外，亦送上著名NBA球隊湖人2012－13球季隊員簽名籃球，包括已逝世嘅球星高比拜仁（Kobe•Bryant）；據悉，簽名籃球從外國拍賣購入，價值超過五位數。另外，Shirley又送上生日日期車牌，更幫手到停車場更換車牌，相當寵愛老公伍富橋。今次Shirley生日之旅，二人全程乘坐商務客位，及入住超豪華酒店；日前，伍富橋分享一張影住老婆手提電話嘅照片，從相中看到有人私訊Shirley，表示伍富橋出軌：「我有你老公偷食證據起（喺）手」，Shirley僅回覆一個「good」嘅表情符號，同時表示：「想睇」，伍富橋則於IG限時動態寫道：「我老婆話如果要課金先有得睇 就唔睇」，又指：「我琴日（開工）都影左好多床照 係咪果幾張？」，唔少網民都留言認為伍富橋唔會出軌：「點會得失長期飯票」、「一定唔會出軌」、「我都想做駙馬爺」、「有戲拍橋哥自傳未，想睇」等等。
