今季《全民造星IV》節奏明顯加快，第一圈賽事以1對1比併進行，2集合共10位參加者出過場，唔似得以往一晚出4－5個，搞成3個禮拜先介紹晒近百位入圍者。

尋晚嘅一集出現4場對決，其中女Dancer Jolin(溫彩玲）以3比0擊敗對手Emi（鄺采彤）。但係網友對於Emi嘅反應，大過出線嘅Jolin！

節目入面見到Emi對答奇怪，而且肢體動作生硬，點解入到圍？花姐喺節目解釋，Emi性格正面，有佢出現對觀眾而言係好。不過網友似乎唔多收貨。

唔少人都質疑Emi嘅性格係咪扮出嚟，甚至認為佢係扮ERROR成員193（郭嘉駿），用古怪性格吸引人。而Emi鏡頭前嘅外表，同大會提供以至佢IG分享嘅相片，有唔少落差！

亦有連登討論區網友搵到一條多年前直播平台短片，聲稱不時爆粗嘅片中女子係Emi。

唔知咁多負評嘅Emi，最後會否由淘汰區成功復活？真係出到線的話，可能要搵辦法處理以往拍過嘅嘢嘞。