前港姐林雅詩高樓拍片自言「快窒息了」 移英2年曾呻無工做

熱度0票  瀏覽3次 時間:2024年3月22日 11:07
林雅詩當年行性感路線,而家不時都post清涼照
林雅詩當年行性感路線,而家不時都post清涼照

47歲嘅前港姐林雅詩2022年移居英國後,曾經呻喺當地搵工難,而家佢會港英兩邊飛,幫家人打理生意。日前林雅詩喺抖音上載短片,見到佢夜深時份喺一座高樓大廈向下拍攝窗外風景,但係寫道「快窒息了!也想係時候想唞一唞!」同埋「好x唔開心! 不再要下一次!」,令人擔心林雅詩係咪睇唔開,畢竟早幾日《造星5》嘅Nathan魏念恩都出過post話「再見世界」……

好在林雅詩之後都post返張泳裝照報平安,並發文「No expectations, therefore no hope放心!我還在!」。

前港姐林雅詩高樓拍片自言「快窒息了」惹輕生疑雲 移英2年曾呻無工做
前港姐林雅詩高樓拍片自言「快窒息了」惹輕生疑雲 移英2年曾呻無工做

林雅詩1997年參選港姐後加入TVB,但一年後走人,之後簽約王晶旗下,拍過套艷情片。2005年林雅詩與商人溫文英結婚,同年誕下兒子。但後來溫被指出軌,二人終於2015年離婚收場,林雅詩獨力撫養兒子。回復單身後,林雅詩同經理人傳過緋聞,更被指同遊越南並於車廂內行為曖昧。

前港姐林雅詩高樓拍片自言「快窒息了」惹輕生疑雲 移英2年曾呻無工做
前港姐林雅詩高樓拍片自言「快窒息了」移英2年曾呻無工做

2022年林雅詩因為陪仔讀書而移居英國,雖然家人喺當地有間日本餐廳,林雅詩都有試過搵工但唔成功,仲話申請咗三十幾份基層工作都係冇回音,更加叫網民介紹工作。林雅詩離婚後曾被傳企圖尋短,但被街坊同前夫發現阻止,移英後又因為被性騷擾而自言情緒不穩。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

頂:0 踩:0
對本文中的事件或人物打分:
當前平均分:0 (0次打分)
對本篇資訊內容的質量打分:
當前平均分:0 (0次打分)
上一篇 下一篇