英超 ｜藍斯度三度英超降班 仲有一個「黑仔王」勁過佢

修咸頓以1比3不敵熱刺後，確認來屆降班，球員當然唔開心，但應該冇咩人似門將藍斯度（Aaron Ramsdale）咁慘，事關今次已經係佢第三次經歷球隊從頂級聯賽跌落英冠。

現年26歲的藍斯度，此前已分別在2020年隨般尼茅夫、2021年隨錫菲聯降班。儘管戰績不理想，他當時在這兩支球隊的表現依然獲得肯定，曾連續兩季當選球會年度最佳球員。自錫菲聯降班後，他轉投阿仙奴，至今只在英冠上陣過兩場。

藍斯度雖然黑仔，但暫時仍未係英超「黑仔王」，因為前冰島國腳希度臣（Hermann Hreidarsson）在英超五度降班，最勁係分別於五間球會中經歷痛苦。

希度臣曾為水晶宮（1998年）、溫布頓（2000年）、葉士域治（2002年）、查爾頓（2007年）及樸茨茅夫（2010年）上陣，合共在英超征戰11季，累積332場比賽，堪稱降班界傳奇。