素顏靚靚陪揀戰衣出席頒獎禮 ChiLam首奪十優歌手心情靚爆
(綜合報道)(星島日報報道)張智霖(ChiLam)今晚於港台《十大中文金曲頒獎禮》上將首度躋身「最優秀流行歌手大獎」(十優)之列,更憑《你是如此難以忘記》一曲奪得「十大中文金曲獎」,坐定粒六穩袋兩獎的他昨日專誠挑選戰衣上台領獎,太太袁詠儀(靚靚)亦相伴在旁幫眼兼俾意見,務求出名靚仔的他型爆登場。2015年首度獲獎,夫婦兩人當然心情大好,難怪昨日臉上都掛着笑容。文、圖:娛樂組
張智霖今晚將出席《十大中文金曲頒獎禮》,亦是他今年首次參加的樂壇頒獎活動;據本報收到的可靠消息,ChiLam會連奪兩獎,歌曲《你是如此難以忘記》將獲頒「十大中文金曲獎」,又首次進身十優歌手,與天王天后級歌手齊奪殊榮。回歸樂壇的ChiLam一直狀態大勇,之前在商台《叱咤頒獎禮》已首度入圍男歌手五強,當時Chilam高興指感到受寵若驚;今次更唔止入圍咁簡單,ChiLam自然要預備戰衣做足準備!
靚靚等足一小時
昨午3時許,ChiLam和靚靚以一身便服打扮現身中環,夫婦倆穿上同牌子的球鞋,同行的還有一名男助手,一行三人走到置地廣場附近一間專賣深色衣服的時裝店內,逗留了足足一個小時。期間售貨員拿了大批的恤衫和西裝外套向ChiLam推介,主要都是黑白莊重為主,而在ChiLam試衫一小時期間,靚靚乖乖坐在店內耐心等候,間中才看看手機;每當ChiLam換衫出來,靚靚都會幫眼給意見,明顯ChiLam今年第一次上台領獎都相當重視。
兩公婆帶笑回應
離開之際,ChiLam已手持多袋戰利品,當記者上前打招呼,夫婦兩人都帶有笑容回應,只是素顏的靚靚坦言沒有化妝,叫記者還是影ChiLam好了;而ChiLam就坦承是為了今晚出席頒獎禮而置裝,繼而才上車離開,沿途態度友善。
■ChiLam試衫過後,助手即代為保管合心水的衣飾。
■ChiLam先往取車,靚靚與助手慢條斯理邊行邊傾。
■靚靚坐在更衣室外,等ChiLam換衫後即給予意見。
■ChiLam、靚靚與助手同行往時裝店。
■經過一小時試身後,ChiLam終拿着戰利品離開。
■靚靚因未有化妝,所以擰轉面避開鏡頭。
娛樂