胡杏兒上月底被邀擔任第30屆上海電視節白玉蘭獎海外電視劇單元評委會成員之一，佢就喺社交平台分別出post表示非常榮幸能夠接受呢個任務，以及分享當日造型嘅美照，不過就唔係個個網民都欣賞，唔少網民都狠批其造型奇怪又樣衰。

胡杏兒當日出席活動嘅短片被網民分享至社交平台，從影片中看到，胡杏兒穿上一條特別剪裁嘅棗紅色晚裝亮相，雖然造型吸睛，但佢與外籍嘉賓聊天時，未知是否因為裙款較鬆，不時掹住晚裝胸口位置，顯得有啲不自在，不過佢神態仍然大方，努力展示自信笑容。裙子設計引來唔少討論，更有網民爆笑創作出一個meme圖，指胡杏兒裙款胸前嘅設計十足燒味店斬燒味嘅砧板：「件衫係砧板，杏兒係燒味」、「好似燒臘鋪砧板擋住個塊野」、「一秒變成燒味」、「是否驚被暗殺？鑲番塊鋼板」、「肉隨砧板上」、「斬大舊叉燒，油雞鹵味樣樣都要」、「點解將這塊擋板著上身太肉酸了？？」、「無美感，好係擺咗件叉燒上胸」等等，亦有網民表示裙款似扇貝、滑浪板、酒樓凳嘅凳背。另外仲有網民認為胡杏兒為咗搵錢真係好搏：「是否為左（咗）生活，是否放下尊嚴」、「養起頭家真的不容易了！！」、「好搏命揾$嘅老婆」等等。