陪災民上樓義工專訪 操體能、助疏情緒：都想畀佢哋知道，可以陪佢哋繼續去打呢場仗

宏福苑災民逾五個月後才能回家，不少住戶是長者或行動不便，行樓梯、搬家當成為「不可能的任務」，第一輪上樓的逾 6,200 人，不乏義工身影，他們為災民背起一袋又一袋紅白藍膠袋，上落數十層樓梯，3 小時內為災民盡可能帶走家當。

3 位義工接受《法庭線》記者訪問，分享事前加操體能、上樓日的景象如何令他們震撼、心酸，他們作為局外人，觀察到災民有很多情緒，而身處災場體會無常，將心比己更覺應盡力幫手，「都想畀佢哋知道，即係我哋係 ready 嘅，可以陪佢哋繼續去打呢場仗。」

「呢一條返屋企嘅樓梯
其實都幾煎熬㗎」

義務陪災民上樓，主要工作是「搬搬抬抬」，不是人人能勝任。動員 80 名義工的「建。祝義工隊」，要求參加者先通過體能測試：背着 70L（容量 70 升）背囊、手提兩包 5 公斤米，上落 30 層樓梯，才算合資格。

義工隊成員 G 說，雖然平時有做運動，但在上樓前都有去健身室「加操」，亦自己綀習上樓梯，確保自己的狀態適合上樓，最後她協助的其中一戶，要走上最高的 31 樓。

延伸閱讀

宏昌閣災民指單位幸未當災　但窗戶遭打爆、櫃門被打開　初步沒失物惟憂遇颱風

法庭線

美國官員：川普將就伊朗議題施壓習近平

法新社

倒數10天！三星電子工會罷工在即 專家：若18天「罷好罷滿」 損失上看116億美元

鉅亨網

亞馬遜供應鏈服務上線：對運輸業的衝擊有多大？

Investing.com HK

每戶上樓名額只有 4 個，G 覺得在僅餘的名額下，災民仍要找陌生人幫忙，「其實佢哋真係好有呢一個需要，可能佢哋老人家無能力上啦，或者甚至乎無咁多家人、親戚幫到佢」，她亦深感在 3 小時內要搬運、行樓梯實在「困難重重」，自覺有能力於是報名幫手。

G 幫忙的其中兩戶，戶主都是長者無法上樓，找來年輕的親戚幫忙，再透過社工聯絡義工協助。她憶述第一次走入宏福苑時感震撼，形容在樓梯間已覺氣氛凝重，自己雖然沒有親歷火災，都心情沉重，「如果係真係有經歷過逃生，或者嗰個過程嘅時候，呢一條返屋企嘅樓梯，其實都幾煎熬㗎，我覺得佢哋真係需要好大勇氣先行到上去」。

而第一次走進災後單位，一草一木彷彿停留在大約半年前的時空，「其實一入到去嗰吓好 shocked，就係所有嘢都好似停頓咗喺某一日，跟住就有一層灰、一層黑色咁樣」，但執拾時間只有 3 小時，她和災民沒時間多想，只能隨即落手執拾。

「OK 嘅，我哋執晒喇
我哋返到去再慢慢搵」

G 說，她觀察災民都比較緊張、慌亂，未有時間消化事隔半年回家的情緒，便要忙於撿走重要文件，「好心急咁不斷周圍搵，好似知自己要搵啲咩，但係又好似喺一個好陌生嘅地方咁，咁我就企喺門口大廳個位置，望住呢個情景，就覺得好心酸」。

她亦見過災民不想勞煩義工搬運太多物品，「佢哋有時攞住啲嘢，就嚮度諗，拎唔拎好呢？咁樣我嘅角色，就係見到佢有猶䂊嘅時候，我就會話畀佢知，唔使諗」，她在能力範圍內都會幫忙搬走，「你唔好諗咁多啦，拎啦」。

其中一次，G 見到一位災民等候貨車時突然焦急起來，翻找方才有沒有帶齊重要文件落樓，「係咁不斷搵、不斷搵，就嚮度開始責怪自己，哎呀，原來唔係喺呢度，啊點算呀？點算呀？」

G 自言身為局外人，反而可以更冷靜疏導災民的情緒，「我會冷靜話畀佢知，OK 嘅，我哋執晒喇，我哋返到去再慢慢搵」。

G：外人永遠不知物品意義

G 分享最難忘的一趟，是從一個高層單位搬運一張大型木櫈時，路過有工作人員無心地說了句「咁都要搬呀？」她說慶幸不是戶主聽到這一句，因戶主已經失去家園，「佢想搬啲咩咪搬囉，因為我哋外人永遠唔知道嗰一樣物件，對佢嚟講有咩意義」。

當日 G 亦目睹相鄰的單位，戶主執意要拆走一部浴室寶，表面看來好似令人費解，但後來她才得知該戶毀損嚴重，戶主說「我成間屋燒晒啦，淨係得返呢個浴室寶無事，可以帶得走」，令她更覺得必需體諒災民的處境。

「唔希望佢哋今日見到嘅嘢
下一次上去又唔見咗」

另一名義工 Vincent，本來負責在物資站做後援，但剛好碰上相熟的居民來拿物資，對方說起擔心不夠體力搬家當，希望 Vincent 代她上樓。Vincent 一口答應，即日下午便陪對方的親友上樓，走上十幾層樓梯，冒雨分三輪取走約 40 袋物品。

他說雖然平常有運動習慣，但拿着沉甸甸的紅白藍袋上落，不如想像中輕鬆，「不過我哋幫手嘅人呢，就係幫到幾多係幾多，係咪？因為都唔知佢哋幾時會第二次上去，同埋又唔希望佢哋今日見到嘅嘢，下一次上去又唔見咗，所以都盡量係幫佢哋拎咗落嚟先」。

「啲個案，係講緊要分秒必爭咁報名」

宏福苑大火發生至今半年，「建。祝義工隊」自火災後兩天便開始支援災民，在臨時房屋「策誠軒」為 90 多戶災民煮晚餐，持續至去年的平安夜，其後陸續有災民遷入臨時房屋，義工隊亦提供鋪地板、砌傢俬等服務。

協助統籌義工服務的阿軒指，在上樓前收到社工和居民求助，詢問能否安排義工協助有需要的戶主搬運，起初義工隊訂購 70L 背囊供義工使用，覺得比較安全，上落不易滑倒。隨後有災民都想借用，於是他們再加單，前後訂購了 1,700 個，而為免災民需花時間清空背囊，義工隊決定送出予災民。

阿軒說，機構完全依賴義工運作，成員大多都要上班，部分更會請假做義工，但「搬搬抬抬」義工的反應熱烈，在義工群組甫發出訊息，便馬上有人報名，「義工最大嘅投訴係乜嘢？無錯，原來要鬥快，啲個案，係講緊要分秒必爭咁報名」。

這一輪上樓，「建。祝義工隊」合共幫助 83 戶災民上樓，而獲得義工隊物資或人手支援的戶數一共 500 戶。

阿軒亦有參與其中一次上樓，他說除了預備體能，出發前亦不敢吃刺激的食物，以免上樓後腸胃不適。

走在宏福苑狹窄的梯間，他想像災民當日逃生的情景，突然感受到人類的渺小，「如果我係當時嘅一啲居民，其實都幾無助，啲樓梯又窄啦，又可能好大煙啦，又有火啦，即係上去又唔得，落去又唔得」。

阿軒：將心比己望災民知有人關心

說起幫助宏福苑災民的原因，3 位受訪義工不約而同講到「將心比己」的概念。

阿軒覺得，災民遇上突如其來的人生變故，若有更多人可以出手相助，可紓緩災民的情緒，「調返轉將心比己啦，如果我自己有個咁嘅情況，有一班人可以嚟幫手呢，其實係好似係一種，即係會比較釋懷少少，令到佢哋覺得，仲有人係關心佢㗎，仲有人可以支援佢㗎」。

G： 每個香港人都會受觸動

G 以前間中會做義工，主要都是派飯等等她形容為「輕擎」的服務，這次投入比以往更辛勞的工作，她說其中一個原因是宏福苑火災特別觸動她。

「我相信每一個喺香港居住嘅人都會觸動到，因為佢哋所面對嘅嘢係太日常，真係好容易係我哋自己有機會發生，你出去返工，返到收工嘅時候，你就冇咗個屋企喎⋯⋯每一個香港人都有機會可以面對」。

回顧災民由屋苑大維修到火災以來近半年的遭遇，G 坦言無力感很重