歌手馮允謙昨晨到主題樂園表演，笑說：「把聲都未完全開晒，但現場氣氛特別，大家又好熱情。」由年初忙到現在的他，直認是大豐收的一年：「依家9月咋！但我跑嘅數已經係舊年成年嘅收入，我有工作都接，從來唔推。」問可想過置業？他爽快說：「如果買都考慮喺加拿大買屋，但要結婚先囉！」

作為唱作歌手的他又自爆：「尋日喺屋企創作，行來行去都諗唔到，走去睇電視，一陣又食嘢，好辛苦，有時要逼出嚟。」當有煩惱諗唔通時，他落街跑一轉便會醒晒：「我都鍾意食嘢同睇戲，如果有時間旅行更好。」