老是常出現｜陳湛文角色電騙集團生活應景 網民：咁啱撞正KK園新聞
ViuTV瘋狂喜劇《老是常出現》以長者為題材，搵嚟劉江、陳湛文、米雪、石修、劉沛蘅（Hillary）、ANSONBEAN（陳毅燊）、張雷及曾偉明等人主演，劇集喺噚晚（20日）首播，唔少網民除咗認為TVB味甚濃之外，詐騙集團場口亦引起網民熱烈討論，
噚晚劇情就講到阿蘇（陳湛文飾）成功逃離電騙集團「昆仁洛答」，死裡逃生嘅佢渾噩半年，喺媽媽蓮妹（米雪飾）嘅威逼下重過正常生活。佢前往護老院「彰老院」向既善良又純情嘅電騙受害者彰老院院長Martin（ANSONBEAN飾）道歉，結果意外得到工作機會。
劇集一開始就講到陳湛文喺電騙集團時嘅生活，又被長官劉江迫食芒果導致敏感發作，之後又講到佢未達標，被懲罰跑圈等等。劇集出街後，唔少網民指《老是常出現》係預言劇，留言話「咁應景嘅」、「KK園區？」、「好有以前「池力共鎮」feel」、「又係預言劇嚟」、「咁啱 撞正kk園新聞」、「Viu又預言」、「KK園昆仁洛搭」、「洗唔洗同呢幾日香港咁夾呀」及「燒山都有」等等。
