現年44歲吳卓羲（Ron），喺2000年加入TVB被安排拍攝《大唐雙龍傳》、《衝上雲霄》、《學警》系列等經典劇集，與林峯、黃宗澤、陳鍵鋒被譽為TVB四大小生。近年吳卓羲專注於內地發展，密密接job嘅佢較早前參加真人騷《披荊斬棘2》和《大灣仔的夜2》，憑真性情及強烈綜藝感而圈粉無數，人氣高企。近日佢現身深圳舉行手辦公仔簽售粉絲見面會，成功吸引大量女粉絲到場支持，不過當吳卓羲同熱情粉絲打招呼，上台同大家見面時竟然發生咗一件尷尬嘅事！

喺見面會完結後，唔少粉絲都將影片及照片上載到社交網站。從影片中事件，當日見面會場面熱鬧，唔少穿著性感嘅女粉絲到場支持吳卓羲，更有女粉絲掛住同吳卓羲影相，搞到差啲走光。吳卓羲同粉絲握手後，便上台同大家見面，不過著上鬆身黑色褲嘅佢，下體疑似突然激凸，吳卓羲亦不時用手遮住下體位置，場面甚為尷尬，不過有粉絲就認為只係角度問題。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！