拖埋好姊妹劉佩玥落水 陳瀅黑化到底 出「陰」招搶Fo

熱度135票  瀏覽2次 時間:2022年10月26日 11:00

拖埋好姊妹劉佩玥落水 陳瀅黑化到底 出「陰」招搶Fo

穿短裙的陳瀅因為拖住劉佩玥,搞到冇手撳住條裙!
穿短裙的陳瀅因為拖住劉佩玥,搞到冇手撳住條裙!

女星陳瀅於無綫台慶劇中步入黑化期,令觀眾愈睇愈緊張,雖然未知伊人結局如何,但昨日於宣傳活動上,她卻為大家帶來「驚喜」,性感登場的她被蠱惑的高衩裙考起,加上好姊妹劉佩玥「助攻」,最後於一個上樓梯動作出「陰」招,「辣㷫」全場!

無綫台慶劇《美麗戰場》將於本周五大結局,劇情愈來愈緊湊,前半段劇情被「反骨琪」蔣家旻搶晒Fo的陳瀅,於該劇轉入直路之際來個絕地大反擊,她飾演的鍾家寶不再單純,為保護自己將逐步黑化,不過現實中的她卻相當失策,於昨日的宣傳活動上不慎走光。

陳瀅、方力申(小方)、蔣家旻、劉佩玥、朱晨麗、何依婷等晒冷為劇集結局篇造勢,身為女主角的陳瀅悉心打扮,穿上粉色吊帶短裙大晒性感,令人眼前一亮,惟她拖實好姊妹劉佩玥(Moon)行樓梯上台時百密一疏,不慎走「陰」露毛,大抵伊人心知不妙,已即時整理裙身,不過卻毛已露,未能挽救失地。事後陳瀅接受本報訪問時大表錯愕,她說:「唔係嘛?我肯定上下都打晒底,應該好安全,不過如果我唔係拖住Moon上台,就會有手撳住條裙囉!」

激嬲葉念琛被隊冧

活動上,陳瀅突然被安排與張馳豪即席演繹劇集插曲,事後她透露曾為此練過一、兩次歌:「不過唔緊要,套劇完咗,應該冇乜機會再一齊唱首歌。(參加《中年好聲音》?)梗係唔會!冇諗過做歌手,都係專心演戲。」對於日前性感打扮開生日P,她笑指JW悉心安排高檔Live Band於餐廳演奏,令她誤會是隆重場合,故特別穿禮服現身,沒料同場人士個個穿牛仔褲:「好在後來王敏奕嚟都有着裙咋!(小方有咩表示?)之前喺Bob(林盛斌)屋企慶祝咗,佢送蛋糕同花。」

談到劇集與姜濤等孭飛的ViuTV新劇《季前賽》對撼,陳瀅坦言沒有特別擔心:「呢套劇都儲咗堆粉絲,同埋依家睇劇都會兩邊睇,我尋晚都有睇《季》劇,成班演員都好青春,雖然我未清楚角色,但覺得肥仔好Cute。」問到《美》劇會否開續集?剛才於台上戲言不想再與葉念琛導演合作的她淆底說:「頭先整嬲咗導演,佢話第二季會隊冧鍾家寶,唔畀我出現。」而小方對於日前自爆曾暗戀周勵淇,表示已是廿年前往事:「當時拍戲經驗少,好易投入變咗日久生情,但當時公司同事見我成日留喺片場唔走好奇怪,後來每日拉我走,將我團火撲熄咗,所以最後係冇表白。」

此外,前晚劇情交代陳瀅繼親父離世後,唯一的親人嫲嫲亦病重離世,該場哭別戲對陳瀅絕對是演技大考驗,既要忍淚強顏歡笑,又要接連做出呼天搶地、疲倦不堪及閉目哀悼等不同情緒,期間更要喊至青筋盡現,獲網民大讚演得出色。陳瀅受訪時透露該場戲份全靠「嫲嫲」程可為、好姊妹劉佩玥及陳曉華幫忙:「同班姊妹拍完都攬住大家,真係痛住去做呢場戲,我哋唔係演緊戲,係真係感受到個氣氛。」

企喺陳瀅身旁的方力申笑到咁,係咪睇到啲咩特別嘢呢?
企喺陳瀅身旁的方力申笑到咁,係咪睇到啲咩特別嘢呢?
陳瀅與張馳豪即席獻唱劇集插曲。
陳瀅與張馳豪即席獻唱劇集插曲。

頂:11 踩:10
對本文中的事件或人物打分:
當前平均分:-0.92 (38次打分)
對本篇資訊內容的質量打分:
當前平均分:-0.86 (37次打分)
【已經有39人表態】
15票
感動
5票
路過
3票
高興
2票
難過
2票
搞笑
4票
憤怒
3票
無聊
5票
同情
上一篇 下一篇