莫拉達絕殺 車仔2：1折「茅」入4強

車路士未有收起太多一隊球員，中場仍有法比加斯及真禾特壓陣，翼鋒韋利安（Willian）及柏度洛迪古斯支援單箭頭巴舒亞伊。般尼茅夫更是強陣出擊，以老牌射手迪科爾掛帥。
在開賽後立即佔得優勢，車路士於13分鐘就憑1次靚絕組織先開紀錄，中場羅拔堅尼地後腳傳予法比加斯，後者於窄角度傳中，由韋利安射成1:0。42分鐘，羅拔堅尼地突破後，未有傳予位置更好的巴舒亞伊，反而獨食地射門，但不中目標。
戰至60分鐘，翼鋒佐敦伊比在左路連過數關後傳中，前鋒賴斯莫薩特的射門被對方後衛擋出底線。4分鐘後，般茅再有機會，中場丹高士寧在禁區邊射斜；戰至90分鐘，丹高士寧再接再厲，今次遠射終於得手，扳平1:1。
不過，完場前的好戲不只這一球。車路士在補時1分鐘，同樣後備入替的翼鋒夏薩特突破後助攻射手艾華路莫拉達絕殺成功，車路士終以2:1驚險晉級。

更多now.com體育新聞及英超、西甲精華，請按此