《全民造星》193cm甩beat男爆笑入圍 視迷︰打造港版李光洙?

【晴報專訊】ViuTV真人騷《全民造星》上月開播至今熱潮不減，前晚第22集的參賽者郭嘉駿（暱稱193）高大靚仔，表演Rap歌卻玩騎呢，仍贏盡星級導師歡心，入圍40強。不少觀眾熱捧193走韓星李光洙路綫一定掂︰有粉絲更笑稱似睇緊《全民諧星》！

現時逢星期一至五熱播的《全民造星》，先後爆紅了19歲的「翻版彭于晏」姜濤、霸氣監製花姐等。前晚播出的一集，身高193cm的郭嘉駿竟然成功跑出，他表演Rap出獨立樂隊LMF的《大懶堂》時，發音不準又甩beat，其後再Rap內地國語歌《老大》時，又大騷騎呢舞姿，其表現令人爆笑。

側田讚演出有趣

不過，多位星級導師包括Eric Kwok（郭偉亮）、火火及側田等齊齊按藍燈，讓193入圍，原來玩另類也可以成功殺出一條血路。導師們評價時意見一面倒讚好，側田稱︰「係有啲嘢睇嘅，我覺得好有趣！」火火更說︰「我覺得靚仔玩騎呢，有得做喎！」難得193亦大方回應︰「我真係騎呢㗎！」最終他順利晉身40強。

很多觀眾激讚193的演出娛樂性滿分；高呼好睇到喊。前日，193在節目播出前亦在FB留言︰「大家放心，我會繼續走全民諧星嘅路綫。」

撰文︰Steven、Pat

協力︰Selena、Jennie

編輯︰黃寶恩

美術︰梁政敏

更多晴報內容，請登入網站www.skypost.hk