NBA ｜巨無霸炮轟施蒙斯hea打搶錢 應該拉去坐監！
「巨無霸」奧尼爾（Shaquille O’Neal）素來口出狂言，點名批評從籃網自由身轉到快艇的施蒙斯（Ben Simmons），直言他領着高薪卻長期缺陣，「應該拉去坐監！」
奧尼爾經常在自己主持的Podcast節目《The Big Podcast》多次批評現時NBA比賽內容「無聊」、「難看」，近日更變本加厲，直接點名施蒙斯，指對方近年因傷病困擾而鮮有上陣，被奧尼爾狠批是「在搶錢」。
奧尼爾在節目中說道：「現在很多死仔包根本唔識打波，佢哋自己都知。無論咩年代，佢哋都打唔掂。我講真㗎。擋拆、一對一，佢哋都唔掂。約基奇（Nikola Jokić）得、安迪度高安普（Giannis Antetokounmpo）得、利拿特（Damian Lillard）得，就係得嗰幾個啫，大部分都唔得。好似施蒙斯，佢根本應該拉去坐監。」
另一主持人問道：「咁塔圖（Jayson Tatum）呢？」
奧尼爾回答：「塔圖打得，佢冇問題，我唔會鬧佢。但施蒙斯應該拉去坐監。兩億五千萬美元就係做呢啲嘢？」
Lefkoe追問：「你講緊『坐監』？」
奧尼爾回應：「冇錯，拉佢去坐監。兩億五畀呢個人？你玩我啊？真係搶錢。」
奧尼爾的言論一如既往辛辣，雖然引起部分共鳴，但同時也掀起不小爭議。不少人質疑，身為聯盟代表性評論員之一，奧尼爾是否該承擔更多維護NBA形象的責任。
事實上，施蒙斯自由身轉會快艇後，依然打唔出表現，每場得分都係單位數字，令人失望。
