馬鞍山戲院播AV？辦公室回覆：已開除該員工
戲院員工有特別福利？近日有網民在社交論壇上載了幾張相片，指有戲院員工疑在欣賞成人電影(AV)。貼文一出，即時引來網民嘩然，並指︰「成個電影業都畀你搞彎晒啦！」
發貼者表示，有朋友晚上行經馬鞍山新港城中心時，赫見已落閘的馬鞍山戲院門外，原先顯示電影場次的屏幕上，出現多個色情網站的連結及「紗倉…妊娠淫語…」等字眼，播放內容惹人遐想。
貼文惹得網民議論紛紛，有人即時查看連結，好奇地翻查片段內容。有網友笑言戲院員工有特別福利︰「真係歎」、「係咪用大螢幕睇」、「7.1環迴立體聲」、「加埋3D眼鏡」，又有人戲稱戲院亦不支持正版︰「成個AV業畀你搞彎晒啦！」
馬鞍山戲院回覆本網查詢時證實，星期一(11月6日)晚上有員工擅用公司電腦瀏覽不良網站，誤將資料傳送至文字顯示屏，但強調並非在戲院大銀幕上播放不良電影。該公司經調查後，已將有關員工開除，以正視問題。
院方補充指，對員工一向有嚴格規管，強調此乃個別事件，並盡力防止同類事件再次發生。
