大師冇點你│滅赤良方：馬會不如六合彩都加大獎金（李聲揚）
政府財赤，人人都知。公務員「士氣」好脆弱，唔減得。兩蚊搭車，又唔大減。加稅，又當然怕趕客。
美股外幣即時報價 多國新聞任睇
馬會有獨家開賭嘅專利
咁點變錢出嚟？除咗大家都睇到嘅發債，或者陳年嘅基金回撥。仲有一個開刀對象：就係馬會。馬會唔係政府剖門，但亦唔係普通私人商業機構，係非牟利公司。
馬會在香港有獨家開賭嘅專利，亦係香港最大嘅單一納稅機構，政府叫到，當然要配合。之前政府已經要求上繳更多，亦係叫馬會「自己諗掂佢」。馬會當然炮轟，但亦只能照做。
施政報告其中一個多人講嘅東西，就係「開放籃球博彩」，實務上，即係有得賭NBA。
馬會有三瓣主要業務：賽馬，六合彩，足球。賽馬同六合彩，年代久遠。足球博彩就2002年開始有，轉眼都廿幾年。今次開埋NBA，事在必行，亦係廿幾年來第一次「新業務」。
做唔做得嚟？應該唔使點擔心。以我理解，賭足球同賭籃球，都係咁上下玩法。馬會背後嘅系統同人才，要加埋籃球，唔會太難，成套嘢嘅骨幹都已經喺度。況且相信佢地都研究咗一排，唔係而家先去諗點做。當年由零開始搞足球博彩都搞得掂啦。
不過我想問，其實有幾多人買？官方好似估一年收益30億？會唔會太樂觀？當然我唔係完全唔信，係真係想討論下。
美國加拿大當然多人賭NBA，台灣都多。但香港賭NBA嘅人，到底多唔多？
首先，就我目測，香港似乎都係足球迷多過籃球迷（當然球迷未必一定賭，賭嘅又未必係球迷）。但呢個都唔係重點，重點係，香港睇籃球嘅人，似乎都係唔多賭NBA的。
你心諗，犯法架，馬會都冇開，邊有得賭。但眾所周知，足球都唔少人買外圍。我識有朋友買外圍足球，但好似冇識過朋友買外圍NBA。而即使蠻荒年代，2002馬會正式「規管化」賭波之前，有一輪係冇乜人管，你用香港信用卡一樣可以在上外國網站買。但即使嗰時，都少聽人會買NBA。
結論係：香港當然「有人」睇NBA，當然「有唔少人」睇，亦有「唔少人」賭。但同足球博彩比，到底最後，收益會爭幾多？大家可以食住花生睇。
不過，無論如何，多30億又好，多3億又好，填得一蚊得一蚊。況且上面都提過，額外成本，又唔係多嘅。所以我唔係反對呢樣嘢。
外圍六合彩玩法多受歡迎
開賭NBA，面對最大嘅阻力，係會畀人話「鼓吹賭博」。本人唔係道德L，但賭博都真係會造成一啲社會問題，有人反對亦好正常。
但我想講嘅重點係：反正都有人反對架啦，不如就一次過開多幾瓣啦。
例如乜？例如，六合彩。六合彩當然而家已經有，但係咪可以有更多玩法？又或者，加大個獎金？
- [支持最多的] 慕尼黑狂欢派对大批“兔女郎”上阵(图)
- [反對最多的] 十三届华表奖优秀故事片提名：超强台风
| 對本文中的事件或人物打分: | |
| 當前平均分：-0.83 （6次打分） | |
|
|
| 對本篇資訊內容的質量打分: | |
| 當前平均分：0.2 （5次打分） | |
|
|
- [感動最多的] 台湾18岁少女 32E胸围火速蹿红(组图)
- [路過最多的] 無綫《西遊記》網民唔like 揚言罷睇
- [高興最多的] 台湾18岁少女 32E胸围火速蹿红(组图)
- [難過最多的] 十三届华表奖优秀故事片提名：超强台风
- [搞笑最多的] 刘嘉玲恶斗张曼玉显疲惫 素颜现身太阳镜遮
- [憤怒最多的] 慕尼黑狂欢派对大批“兔女郎”上阵(图)
- [無聊最多的] 元朗7.21事件八個月晚上有人堵路 警方放催
- [同情最多的] 比利时男子持AK步枪扫射人群致5死123伤
