【政情】游蕙禎Fb「放閃」唔認肥自稱水腫

青年新政游蕙禎，日前被傳媒報道喺上周三嘅兒童節同凸肚男子喺大坑歎下午茶，該男子就被指疑似係游蕙禎嘅男友。而游蕙禎亦都喺社交網站Facebook罕有地上載咗一張同一個男仔影嘅合照，仲叫大家關注吓對方嘅過重問題添！游蕙禎公然喺Fb「放閃」，似乎唔多擔心「粉絲」呷醋喎。" data-reactid="22" style="margin: 0.8em 0px 0px;">被取消立法會議員資格嘅青年新政游蕙禎，日前被傳媒報道喺上周三嘅兒童節同凸肚男子喺大坑歎下午茶，該男子就被指疑似係游蕙禎嘅男友。而游蕙禎亦都喺社交網站Facebook罕有地上載咗一張同一個男仔影嘅合照，仲叫大家關注吓對方嘅過重問題添！游蕙禎公然喺Fb「放閃」，似乎唔多擔心「粉絲」呷醋喎。

游蕙禎被發現兒童節喺大坑同凸肚男子去完茶餐廳又去咖啡室，非常好興致，而佢當日原來亦都喺Fb上載咗一張同一個叫Matthew Lam嘅男仔影嘅合照。而根據呢個男仔喺社交網站嘅資料，應該係喺恒生管理學院新聞及傳播學系就讀。

問網民有冇解決方法

除咗上載合照，游蕙禎仲公然「耍花槍」，叫大家關注吓對方嘅過重問題，仲話「佢個肚腩真係唔係普通人」。不過佢呢頭話人，嗰頭就有人留言話番佢肥咗。佢就唔認自己肥，堅持係每個月都有幾日水腫啫，佢仲問大家有乜嘢解決方法。有人就建議佢去睇中醫，佢就話自己忙，睇唔到中醫喎。

莫非佢最近真係蜜運中，所以寧願花時間拍拖都唔去調理身體？