Cityline買飛又出事 NJZ (NewJeans)騷疑出錯日子 ComplexCon大會：等待Cityline回覆
韓國上位天團NJZ (NewJeans)將於三月到港開show，全民期待，然而今日購票時，卻不少網民表示出事，購買後日子錯誤，大量苦主湧現投訴。
有網民於threads表示：「NJZ (NewJeans)撳咗半個鐘，終於俾我撳到，我一直就係撳緊3月23號嗰場，撳咗幾分鐘，好好彩，彈入去俾哂錢，最後睇mail發現張飛係3月21號，我有冇咁黑仔，我肯定佢系統出錯。」由於門票寫明不可退換，該網民指：「打去Cityline熱線打咗半個鐘又冇人聽，如果講佢系統出錯佢哋就唔認數，好灰依家，好傷心。」
其實不只這位苦主， Facebook上亦湧現大量樂迷投訴，表示購買後日子出錯，ComplexCon大會官方都回應：「多謝你哋嘅支持，我哋亦都等待緊Cityline嘅回覆。」Yahoo娛樂圈就事件向Cityline查詢，至截稿為止尚未得到回應。
