陳慧琳媽咪曹子佳罕有現身 戴住口罩健步如飛去探班

陳慧琳10場紅館演唱會經已展開，有傳媒聲稱日前喺紅館後台，影到Kelly媽咪曹子佳戴住口罩去探班，到場後與工作人員打招呼就行入場館，而且健步如飛，點睇都唔似嫲嫲級。

Kelly爸爸陳崇偉同曹子佳離婚多年，Kelly媽向來甚為低調，早幾年有傳媒影到Kelly同媽咪一齊行街，形容Kelly媽保養得宜。而Kelly曾經俾過童年時家庭照傳媒刊登，相中見到Kelly媽後生時同Kelly簡直係一樣樣，基因好強大。