周秀娜醉易講錯嘢張繼聰變張敬軒
查看相片
【東方日報專訊】女星周秀娜與張繼聰等合作拍攝喜劇，經過個多月的朝夕相對，新戲煞科，未知是否慶祝時太興奮，周秀娜飲過兩口香檳後便把拍檔張繼聰錯口講做「張敬軒」，阿聰即反擊拍檔唔識飲酒，笑指她兩啖便醉！
性感女神周秀娜（Chrissie）早前與笑匠張繼聰、葛民輝、邵美琪與吳耀漢等齊齊合作拍攝喜劇，一班演員同度數個月充滿笑聲的時光，新片日前順利煞科，台前幕後齊齊開香檳慶祝，想不到Chrissie淺嘗幾口香檳，便把合作多時的拍檔張繼聰誤叫做「張敬軒」，令全場爆笑！
「前輩」扮嬲走人
一向少演喜劇的Chrissie，今次要與搞笑能手阿聰及阿葛合作，明言是偷師好機會，可以令自己更有喜感，但每次拍攝時都要打醒十二分精神：「因為要準備隨時接招，佢哋爆肚搞Gag好厲害。」她又笑指童星出身的阿聰是前輩，更衝口而出說經常在髮型屋見到好型的「張敬軒」，身旁的阿聰聽到立即擺出一副愕然兼失望的表情，又扮嬲到掉帽走人！然而隨即又「原諒」Chrissie，笑指她是位好女仔：「佢平時一定唔飲酒，只飲幾口酒就醉咗！」
「打腫眼」鬥「電眼」
而阿聰指這次其實是與Chrissie第三次合作，大讚她聲色藝俱全又專業，笑言最難忘Chrissie一雙電眼：「今日仲要化埋個打腫眼妝都唔夠娜姐鬥！」阿聰搞笑指自己讀書時期已喜歡Chrissie：「以前啲戲我只可以喺旁邊向Chrissie揮手，今次終於有對手戲，呢位『前輩』真係好照顧我，哈哈！」
文：影視組
