Ray Online｜創科界透過中間人邀杜拜王子出席活動 被索價每小時1萬美元
阿聯酋杜拜王子阿里(Sheikh Ali Al Maktoum)嚟香港開設家族辦公室嘅計劃引起風波。有創科界人士透露，最近透過中間人邀請阿里喺創科活動致辭，中間人就幫阿里索價2個鐘2萬泰達幣，等於2萬美金。
聽聞阿里已在港開設銀行戶口
有關嘅創科活動喺香港舉辦，嗰位創科界人士話就算阿里唔方便親身嚟香港，原本都打算容許佢錄影或者ZOOM視像致辭，不過聽到索價2萬泰達幣之後，擔心活動經費唔夠，加上覺得唔值，所以最後就唔成事啦。嗰位創科界人士又透露聽政府講，阿里已經喺香港開設銀行戶口，唔知到底喺香港開設家族辦公室成唔成事呢。
