張馨月罕晒富貴老爺奶奶合照 坐穩家族地位好得戚

藝人林峯太太張馨月平時最愛晒恩愛及親子樂，好少見佢同其他家人合照，但其實佢喺林峯富貴家族好得寵，為力證自己喺家族嘅地位，張馨月激罕晒出自己同老爺、奶奶一齊去長沙遊玩嘅合照，張馨月媽媽亦有同行，關係非常融洽。

張馨月於2019年嫁畀林峯後，翌年即誕下愛女「格格」Luna，不過二人至今仍未補辦婚禮，有口臭網民就曾揶揄張馨月不被林家重視，即使張馨月已表示對於婚禮佢都唔Care，但仍被唔少網民拎嚟講。今次佢晒出家族合照，仲要企喺C位靚靚登場，都夠令網民收口。