萬千星輝賀台慶 袁偉豪黃智雯 膺雙料視帝后

【晴報專訊】無綫《萬千星輝賀台慶》昨晚舉行，全台藝員傾巢而出落力表演，同時宣布「馬來西亞最喜愛男/女主角」及「新加坡最喜愛男/女主角」得獎者，四個獎項均由黃智雯和袁偉豪囊括，二人成為雙料視帝視后，令人喜出望外。

昨晚台慶有多個表演環節，包括黎諾懿和吳家樂扮成BB，與賴慰玲和孫慧雪的囝囝舉行「BB爬行大賽」，又有大班年輕女藝員表演大型歌舞，場面熱鬧。表演嘉賓鄭伊健獻唱多首金曲後，便到壓軸頒獎環節。

袁偉豪憑《棟仁的時光》連贏大馬及新加坡視帝，他感觸說︰「呢個喜悅太開心，我會記住這一晚，珍惜呢個時光！今年入行20年有好多經歷，我會繼續努力，演到生命耗盡嘅一刻，都會繼續做演員！」袁偉豪女友張寶兒亦冧爆讚男友︰「你好叻呀！」

唐詩詠呻嚇親男友人

至於黃智雯亦憑《三個女人一個「因」》力壓好姊妹胡定欣連掃兩個視后獎，她稱︰「一晚感受到兩次得獎嘅喜悅好幸福，我會珍惜及繼續努力，多謝袁偉豪，我哋一齊獲獎！」智雯亦感謝首度拍劇已合作的汪明荃，以及剛退休的監製潘嘉德。

此外，唐詩詠被拍到與男性友人飯聚，她強調男方非追求者︰「只係普通食飯，知道大家關心我感情事，我會繼續努力！（男友人被起底？）唔好逼咁緊，嚇親人，畀啲空間我哋慢慢嚟！」

採訪︰Pauline

撰文︰倪小珊、梁紹明

攝影︰林良明

編輯︰李潔盈

美術︰鄧建威