湯洛雯婚禮︱馬國明罕晒「四大長老」合照

馬國明與湯洛雯（靚湯）日前喺泰國蘇梅島完婚，一對新人由早錫到晚認真恩愛外，夫妻2人更似乎意猶未盡，連日來不斷喺社交網狂放閃，Po出多張結婚靚相及花絮之餘，向來孝順嘅馬國明亦於今日（17日）激罕晒出2家人嘅全家福，感謝雙方父母、家人及朋友對佢哋嘅支持及祝福，並表示希望之後有機會再請大家食飯。

另外，馬國明亦特別感謝靚湯準備咗個咁完美嘅婚禮，仲特別強調每個細節及流行安排都非常好，而老婆靚湯則喺社交網寫道：「感謝老公給了我一個非常難忘的婚禮，當天每一個環節都充滿感動和快樂，覺得遇上你我真的很幸福，是你令我變成一個更好的，但願我們相愛到白頭到老。」