【背部全裸】有唔同角度 阿Sa：效果都幾震撼！
查看相片
蔡卓妍（Sa）主演新片《非分熟女》嘅預告片最近曝光，有背部全裸鏡頭，片中見到正喺浴室嘅阿Sa背對鏡頭，有身體動作加獨白：「我結咗婚，除此之外，我冇嘢可以形容自己，我根本唔知自己係邊個，又或者，我將自己變成咗一個連自己都唔認識嘅人……結咗婚4年，依然係處女。」
畫面同獨白，惹人遐想，而阿Sa就話：「我冇諗咁多，一開始接呢齣戲已經知道角色係點，要演啲乜。小敏（角色）喺呢方面有啲問題，但未至於性冷感，只係有啲障礙。」講到呢幕背部全裸，應係佢從影以嚟最性感演出，阿Sa笑話：「前面黐晒嘢，好安全。不過，嗰日拍咗好幾個角度，效果都幾震撼。」
阿Sa話希望觀眾了解成齣戲嘅信息，就會明白呢場戲嘅用意：「我睇過一啲歐洲電影，觀眾好少將焦點放喺呢類場面，大家會認真去睇戲，o依家香港觀眾接受程度提高咗好多，可能仲有部分人會特別關注呢點，我覺得冇問題，角色要咁去呈現，先可以表達佢嘅內心鬥爭。」
查看相片
查看相片
查看相片
