【好行喇唔送】同事遞信後日日遲到食tea
同事們經常講笑︰「你都last day啦，仲使做咩?」估唔到有離職同事竟然當真，仲付諸實行，而且愈做愈離譜，愈做愈膽大。最近有來自四方八面的朋友不約而同提及同事last day前一個月的放肆日子，唔知大家又有冇遇過類似經歷?
1.狂約飯局及訪問
有傳媒中層在離職前三個月，日日返得四五個鐘，但HR都吹佢唔脹，因為佢日日MARK自己有飯局及訪問，實情係日日去CAFE歎咖啡，返到公司都三四點，然後九點幾又收得工。
卡」" data-reactid="34" style="font-size: 1.4em; margin: 0.8em 0px 0px; -webkit-font-smoothing: antialiased; text-rendering: optimizeLegibility; line-height: 1.4em;">2.搵下屬幫手「拍卡」
就算公司要求你拍卡，將走的人亦都有「過牆梯」，尤其係上司。有朋友反映，話上司遞信後，直程將自己將STAFF CARD交低咗畀佢，然後呢位朋友就日日幫老闆拍卡返工，有晒「出入境紀錄」，HR就無聲出，然後老闆又係自由約人食TEA、食DINNER，完全「無王管」，有人問佢老闆去咗邊，只要答「去咗開會」就得，一樣過骨。
3.撓埋雙手唔使做
中高層有自己玩法，而低層離職，當然亦有一套。因為低層向來賤命一條，去到遞完信當下，有人自然有咁賤得咁賤，將所有工作都卸晒畀留低的同事。最正嘅係，呢位離職低層仲有10日先LAST DAY，但接到客人電話果陣，已經同對方講明自己唔再負責，直接將手上所有PROJECT提早Handover晒俾其他同事，自己就過咗海係神仙。
4.慫恿其他同事轉工
好多同事一遞完信，就有意無意在公司散播公司呢樣唔好、果樣唔好，令到成team人士氣勁低落。
5.抄走公司機密文件
轉新工當然要將公司電腦所有softcopies都抄走啦，去到新公司拎出來當template，edit一下，新工就變得更輕鬆。有同事甚至連客人contact都用「手指」抄走埋，非常冇道德操守。
6.狂掃紙筆簿等文具
絕大機會發生在貪便宜同事身上，臨近last day，同事手上文具消耗得特別快，不斷問admin拎新文具，至於拎完之後點用，就不得而知。
不過先旨聲明，呢個世界有樣嘢叫「好來好去」，如果你以為last day就等於唔再見的話，我可以提一提你，職場上「山水有相逢」。
