更新時間
即將於5月首踏紅館開演唱會的方力申今日（9日）舉行記者會，正式公布演唱會消息，幽默回應宣傳海報粉紅色西裝，直言自己由細到大都喜愛粉紅色「夠Sharp」，更直言最緊要Carry到！至於早前「揹水一戰」活動突然取消，作為多年大使的小方亦有所回應，表示自己為多個機構作為大使，自己與市民大眾反應一樣，同時收到取消消息。
提到演唱會，小方透露自己曾多次申請紅館才成功，至於演唱會環節，小方表示與團隊討論會否讓太太上台，不過團隊建議讓太太專心於台下觀賞更好。小方亦大方表示到時會騷肌，積極努力中，不過最大阻礙是囡囡。
廣告
小方亦透露囡囡愈來愈似媽媽，每日回家一見到囡囡就專心湊女，不過現時只嘴對嘴親吻囡囡一次，更直言：「初吻一定係俾爸爸！我諗天下間嘅爸爸都係咁諗！」
對於作為「揹水一戰」多年宣傳大使的小方透露，與大眾差不多時間知道取消消息：「入行25年一路以嚟都做好多唔同類型嘅公眾大使，亦都支持好多唔同嘅慈善機構，其實做慈善活動嘅出發點好單純，希望回饋社會，將我嘅幸福感恩回饋社會，其他嘅嘢我係唔知嘅，所以如果需要回應可以問返機構。」（對於被定性為邪教，會唔會有啲意外？）小方直言要再了解清楚：「同大家反應一樣，如果想了解更多都要問返機構。」
