如果有人話你由細飲到大嘅牛奶，原來唔係牛奶，可能驚訝程度直逼你阿媽唔係生母一樣！咁我一直飲緊咩？消委會抽查則發現，市面上八款牛奶飲品包裝字樣容易令消費者混淆，誤以為係「牛奶」，原來港女最愛的高鈣低脂奶並非「牛奶」，因其奶脂含量低，只屬牛奶飲品，不少更含有添加劑，雖沒證據對健康有影響，但營養師建議還是喝純牛奶最好。事實上，隨住有毒食物愈來愈多，大家已經唔知誰敵誰友，以下三個被誤解的有益食物，記得食多啲啦！
愛滋香蕉
誤解：去年廣傳紅色香蕉，話有人將愛滋毒血注入香蕉企圖播毒。
真相：最後被確定係人為惡搞，有醫生話愛滋病毒經由口腔進入人體，係有機會令人體感染愛滋病毒，呼籲市民只要蕉肉呈怪異顏色，都不應隨便食用。事實香蕉係有益嘅生果，膳食纖維力量大，通便消小腹，又能刺激成長荷爾蒙，有助抗老，兩條香蕉可以提供足夠能量維持90分鐘劇烈運動。
雞蛋高膽固醇
誤解：雞蛋含有高膽固醇，會拉高身體的壞膽固醇。
真相：近年有大量研究指出，雞蛋可降低身體壞膽固醇的積聚，加上雞蛋熱量低（一隻大蛋含有77卡路里），以及含豐富維他命、礦物質、優質蛋白，以後唔好再唔食蛋黃啦！
牛油癡肥元兇
誤解：一般人相信牛油的脂肪為心臟病，以至癡肥的元兇。
真相：近年不少研究均證明，牛油含有共軛亞麻酸（Linoleic Acid (CLA)）外，草飼的牛油更含有維他命K2，對骨骼及心臟有益。
相片來源：relentlessxxchaos @tumblr
