杜汶澤手瓜起腱整「Robert糕」 阿田話似做gym

【星島日報報道】臨近新年，家家戶戶都開始準備過節！當然年榚就唔少得，杜汶澤（阿澤）同田蕊妮（阿田）就係屋企大玩下廚樂，親手整蘿蔔榚，阿澤仲要著咗件露臂嘅背心，一路整一路見到佢手瓜起腱十分厲害！

阿田全程揸機拍攝，仲笑言話阿澤好用心咁對啲「Robert(蘿蔔的諧音名稱)」，阿澤自己就留言「一絲絲一點點銷毀憶記」，仲話「炒完兩底蘿蔔糕，真正感受到當年岳母大人的偉大」，片段就見到阿澤係咁刨，認真落力！有朋友留言話「做尖咁喎」阿田都話「直頭係啦！」