梁詠琪升呢做野蠻奶奶

【星島日報報道】首次擔任醫學美容代言人的梁詠琪（GiGi），早前抽空拍攝代言廣告。廣告中的GiGi重現主演的賀歲片《嚦咕嚦咕新年財》經典場口，以前做新抱仔的她，今次「升呢」為野蠻奶奶，演繹一場打麻將挑機三位「準新抱」。

GiGi表示：「我平時真係唔打麻將，當日埋位拍攝，邊個方向摸牌都唔記得，要在場工作人員教我，好在拍一陣，開始有番 記憶，總算拍得似模似樣，哈哈！」最驚喜是GiGi在片尾大放「彩蛋」，以10秒內讀出80多個字，呼籲愛美人士尋求年輕醫學美容專家意見，十足似財經節目主播速讀免責聲明。GiGi為免NG，埋位前努力背誦，最終一Take過完成。文：娛樂組

■梁詠琪拍廣告，重現《嚦咕嚦咕新年財》經典場口。