影壇女神王祖賢於90年代憑《倩女幽魂》「聶小倩」一角紅遍全球華人地區，事業攀上巔峰，不過喺事業巔峰之際宣布息影並移居加拿大。王祖賢擅於投資，不但喺美國、加拿大、香港及台灣等地都有房地產，更加於加拿大開設灸覺養生會館，親自為顧客服務，包括接待、操灸、點火、鋪艾條等等，表示希望艾灸會陪伴佢終老，以及更多人可以喺養生會館搵到身心自在嘅健康。王祖賢近年過着低調嘅人生，僅不時會於社交網分享生活近況，但人氣依然不減。

日前，有網民於社交平台以「王祖賢驚現溫哥華超市！」為題，分享喺溫哥華超市巧遇王祖賢嘅照片。從照片所見，王祖賢身穿黑色寬鬆T恤及牛仔五分褲配Birkenstock黑色拖鞋，扎上一條高馬尾及戴口罩，獨自於蔬果區低頭挑選南瓜、蔬果等食材，唔少網民都大讚王祖賢親民冇架子，完全唔似大明星有距離感。