38歲陳庭欣拜狐仙祈求馬年覓得良緣 跪地唸108次經文 開出三大擇偶條件
陳庭欣（Toby）於2010年參選香港小姐競選，勇奪冠軍獎項、國際親善小姐和旅遊大使獎頭，成為三料冠軍，入行後涉獵主持及拍劇方面。2018年陳庭欣與坐擁10億身家嘅彩豐行老闆楊振源（Benny）拍拖，不過二人於去年年底分手，有指佢有指已搬離九肚山3千呎獨立屋愛巢，搬回早年買入嘅黃大仙500呎單位獨自生活，重新出發。早前金牌媒人林盛斌（Bob）曾公開表示要為Toby搵一個Mr.Right，繼介紹兩名合適男士俾佢認識之外，仲帶佢去拜狐仙祈求馬年覓得良緣。
林盛斌帶陳庭欣及TVB《娛樂新聞台》主持潘盈慧去拜狐仙，喺堂主郭玥彤協助下，喺許願紙上填上個人資料及願望，而陳庭欣直言希望可以搵到終身伴侶，開出嘅擇偶條件就係孝順父母、有正當職業，及三觀一致。喺許願紙打手指模後，跪在地上誠心唸108次經文。
廣告
喺片中，林盛斌叫陳庭欣講出自己作為女朋友嘅三個優點及缺點，佢就話細心、孝順及獨立照顧自己，而缺點就係過分緊張、遇到唔公義嘅事情一定會提出、比較多一啲嘢唔食，林盛斌聽完之後笑話：「都係會全年招呼佢！ 」
