徐子珊 半工讀趕上堂 無心戀戰
徐子珊近年專注網上自家品牌珠寶生意又修讀心理學碩士課程，無論大銀幕小螢幕都好難見到佢，香港、內地都唔多見到佢，明顯志不在此，搵錢、見報已經再唔係子珊眼前嘅目標！
撰文：東方新地｜圖片：新傳媒圖片庫、徐子珊IG
徐子珊半工讀趕上堂
徐子珊日前出席連鎖店活動，當堂因為太「稀有」變咗巨星咁款，半百記者招呼、半打工作人員護駕⋯⋯不過呢啲其實都係表面嚟啫！等到活動完結、工作人員送到佢上車，徐子珊一個人竟然直接去咗香港大學，原來半工讀嘅徐子珊日頭開完工出席活動，跟手就返咗學校上堂，當日仲有科考試㖭，話好緊張喎。五光十色嘅活動過後，子珊換番對波鞋孭住個文青袋去考試，不過外套入面仲係件低胸裙、成面妝台慶咁款，夠晒上進！
查看相片
好少何見人的徐子珊難得獲邀出席活動，不過就話好趕時間，活動過後就要返學校考試。
查看相片
工作人員前呼後擁巨星咁款好大陣仗咁送咗徐子珊上車去港大返學，呢啲咪就係物以罕為貴囉。
查看相片
去到大學落車，徐子珊已經成個文青咁款孭住布袋換上波鞋，仲好好心情同八姨太打招呼。
查看相片
